Дэлгэрэнгүй мэдээлэл авах эх сурвалж:
Газар, хэлтэс: Төрийн захиргаа удирдлагын газрын хэвлэл мэдээлэл олон нийт хариуцсан ахлах мэргэжилтэн
Мэдээлэл хариуцагч: А.Отгонжаргал
🌏 ХУУРАЙ БОЛОН УУЛАРХАГ БҮС НУТГИЙГ НӨХӨН СЭРГЭЭХ, ДОРОЙТЛЫГ БУУРУУЛАХ ОЛОН УЛСЫН ФОРУМ ЗОХИОН БАЙГУУЛАГДАЖ БАЙНА
НҮБ-ын Хүнс, хөдөө аж ахуйн байгууллага (ХХААБ), Азийн ойн хамтын ажиллагааны байгууллага (AFoCO) хамтран “Хуурай болон уулархаг бүс нутгийг нөхөн сэргээх, доройтлыг бууруулах олон улсын форум”-ыг 2026 оны 09 дүгээр сарын 08-09-ний өдрүүдэд зохион байгуулж байна.
Тус форумд хуурай болон уулархаг бүс нутгийн ландшафтыг нөхөн сэргээх, газрын доройтол, цөлжилттэй тэмцэх бодлого, туршлага, арга замыг хэлэлцэхээр БНХАУ, Бутан, Казахстан улсын төлөөлөгчид болон Монгол Улсын холбогдох яам, агентлаг, судалгааны хүрээлэн, хувийн хэвшлийн байгууллагуудын төлөөлөл, мэргэжилтнүүд Улаанбаатар хотноо цуглан, хэлэлцэж байна.
ГЗБГЗЗЕГ-ын дарга А.Энхманлай тус арга хэмжээг нээж үг хэлэхдээ газар ашиглалт, мониторинг, газрын доройтол, экосистемийн нөхөн сэргээлтийн чиглэлээр Монгол Улсад хэрэгжүүлж буй бодлого, арга хэмжээ болон бүс нутгийн хамтын ажиллагааны ач холбогдлыг онцолж, форумын үйл ажиллагаанд амжилт хүслээ.
Тус форум нь газрын доройтол, экосистемийн нөхөн сэргээлтийн чиглэлээр бүс нутгийн хамтын ажиллагааг өргөжүүлэх, туршлага солилцох, цаашдын хамтын ажиллагааны боломжийг тодорхойлох чухал ач холбогдолтой бөгөөд дараах зорилтуудыг дэвшүүлээд байна.
Газрын доройтлыг шийдвэрлэх, доройтсон газар нутгийг нөхөн сэргээх чиглэлээр үндэсний туршлага, сургамжаа хуваалцах, Газар ашиглалтын нэгдсэн менежментийн бодлого болон байгууллагуудын уялдаа холбооны талаар хэлэлцэх, Хөдөө аж ахуйн, ойн аж ахуй, тогтвортой бэлчээрийн менежмент, экосистемийн нөхөн сэргээлттэй холбоотой шинэлэг чиг хандлагыг танилцуулах, Хүнс, хөдөө аж ахуйн байгууллага болон Азийн ойн хамтын ажиллагааны байгууллаганы гишүүн улсууд болон бүс нутгийн хамтын ажиллагаа, техникийн хамтын ажиллагааны боломжуудыг тодорхойлох юм.
Дэлгэрэнгүй мэдээлэл авах эх сурвалж:
Газар, хэлтэс: Төрийн захиргаа удирдлагын газрын хэвлэл мэдээлэл олон нийт хариуцсан ахлах мэргэжилтэн
Мэдээлэл хариуцагч: А.Отгонжаргал
